In principio Dio crea el musso (asino) el ghe dise: “Te sarè musso, te lavorare sensa mai lamentarte dal’alba al tramonto, portando pesi soa gropa, te magnarè erba, non te gavarè inteigensa e te vivarè fin 50 ani”
“Te sarè musso”
El musso ghe risponde: “ sarò musso, però vivare fin 50 ani xe massa, damene pena 20 de ani”
El Signore disse: “va ben”Allora Dio crea el can e ghe dise: “ Te sarè can, te difendarè la casa dell’omo e te sarè el so migliore amico, te magnarè queo che i te darà e te vivarè 25 ani.”
“Te sarè can”
El can ghe risponde: “Signore, vivare 25 ani xe massa par mi, damene 10 ani che me basta”
El Signore lo incontenta.Allora Dio crea la simia: “Te sarè simia” dise el Signore: “Te saltarè de ramo in ramo, fasendo la pajassa, te divertirè tuti e te vivarè 20 ani”.
“Te sarè simia”
« Signore, dise la simia, vivare 20 anni la xe dura, damene solo 10 ani »
“Concesso” dise el Signore.Finalmente Dio crea l’omo e ghe dise: “Te sarè omo, l’unico essere rassionae so la faccia dela tera, te usarè l’inteigensa par comandarghe ale bestie, te dominare el mondo intiero e te vivarè 20 ani”
Risponde l’omo: “ Signore, sarò omo, però vivare 20 ani me par pocheto; dame i 30 che el musso ga rifiutà, i 15 ani che el can non ga vossuo e i 10 che la simia no gà acetà”
Cussì el Signore ga fatto.

Da lora l’omo vive 20 ani da omo, se sposa e passa 30 ani da musso, laorando e portando tuto el peso dea fameja su’e spae. Dopo quando i fioi và par conto suo, vive 15 ani da can, tendendo la casa e magnando queo che ghe vien dato, par dopo rivare a esser vecio, andare in pension e vivere 10 ani da simia saltando de casa in casa, da fiolo a fiolo fasendo el pajasso par far divertire i nevudi. 

(non so chi sia l’autore ma mi e’ sembrata divertente da condividere 🙂 )